Кайберәүләр Коръәндә әфьюн турында бернәрсә дә әйтелмәгән диләр. Шуңа күрә зыян салмаган, кәефне күтәрә торган наркотик матдәләрне кулланырга ярыймы? Коръәндә наркотик матдәләр (әфьюн) турында әйтелмәсә дә, аларны кулланырга ярамый. Чөнки алар организмга әйтеп бетергесез зур зыян сала. Ә әфьюннең аз зарарлы дигәне юк!

Төрле илләрдәге мәчет манараларына куелган ярымайлар нәрсәне аңлата? Ни өчен алар төрле рәвештә итеп урнаштырылганнар? Гадәттә, мәчет манарасындагы ярымай Мәккә тарафына каратып куела. Бу мәҗбүри эш түгел, шулай да әлеге гамәл исламның бер билгесенә әйләнде. Дөрес, Пәйгамбәребезнең сөннәтендә ярымай хакында бернинди дә күрсәтмә юк.